Guerda tòt al mj galerije

Watch all my Gallery

JA SCRET AD L'U

1972

Pitor spuntanee e genuin l'hà un tratament d'è' culor abastenza anduinìd che an  da viulenza mal figurie che fa tli telie,a girò tè  cumples cugl'ha fa anche a criè d'jacord crumatic. I su quedre is distaca un pò  dai quedre tradiziunel sà di tentativ, spes anduinìd,da purtè aventi t'la scena d'la vita,un discurs nov, una  nova interpretazion del sù santì però turbed,si su sfond caraterestiche d'la dificile situazion e dl'agitazion ch'artroven ad tut i nost de, che pò i s'artrova in particuler ta namasa ad  pitur giuvne.

1973

Bonnie - Kent l'è un pitor spuntanee e sensebile  ta tut  i  su lavur che porta sempre a bon fin us'avel d'una tecnica e d'un tratament struturel e crumatiche c'ha nè mai in eces, gina spint com ì fa ad solite divers pitur muderne,mo intuned e adegued magl'esigenzie d'la forma, c'le i segn caraterestiche dla pitura. Nun a l'havìn seguì tà st'ultme hàn e a l'havin vest tribulent d'emozion ogni volta chùs'è  but a purtè  aventi un discur nov, una nova interpretazio  d'la figura d'la vita del sù sàntì d'hom e d'artesta unamasa turbed te crescent maresma d'la vita d'ognì dè, Bonnie-Kent però  l'hà sempe prugredì t'la bleza dl'immagine, e t'la perfezione d'la tecnica, grazie ma la  sù gajerda  vuluntà,  mè sù  sentiment artestiche chu'infond  novie energie e gioiosie sperenzie t'è  dificilesme chèmp d'la pitura figurativa. Vest  diretament  dala perta estetica, st'è giovne artesta ugl'hà fata ta poc temp, a padronigè tè'  dificilisme mischòj d'è cuntenud e dla forma mument più scabros d'la creazion artestica fina a feglia a presentè quedre valide sota ogni aspet.

1982

L'atenzion ad Bonnie-Kent tì cunfrunt d'la realtà la si speng fina mala cunsiderazion di particuler ad solite trascurid, che lu é rivitaleza  t'un'otica  espresiva, c'la mira a individuè tli formie ugetivie i segn dla cunsiderazion esenziela di valor esistenziel. La sù adesion mè  figurativ come genere ad rafigurazion cumpleta l'agnì  fà  rifiutì tutavia un termine simbolich, che tà cert quedre la dventa più cherga,criand dli atmusferie emblematiche. Lè é c'hès per esempie ad certie naturie mortie, nedie come rapresentazion d'un mument emuzionel, mo te stes temp cherghie d'una tension  meditativa, clas'insenua tra i segn d'la cumpusizion  struturela e  te  linguag crumatiche. La ricerca contenua dl'artesta, per armistì i cumpunent d'li formie e di cuntenud e  che trova propria la combinazion che vleva t'la scelta crumatica, ingarbuglida ad culur discret ti sfond, luminus ti prim pien, s'una significativa serie ad cuntrast.

1983

La sua l'è una  pitura armuniosa sa di culur cheld e dens c'hìs nascond sota una su tavuloza incunfundeble, stupendament cuntent ta namasa ad quedre. Sla mena infivreda, sn'à spichida invenzion, li telie ad Bonnie-Kent li sa ad luce e ad puesia. Ma nun uns'arman che sutulineè la bravura ad ste giovne artest che ta poc temp  l'ha sàvù imponse per la su pitura muderna, sufusa ad culur e impreziuzida d'elta puesia.

1983

Bonnie-Kent l'è un artesta duted d'una granda sensibilità e d'un spichid sens d'oservazion. I sù quedre i testimonia d'un interes sempre viv, partecipe, vitel ti cunfont d'la rialtà, perché per st'artesta l'erta l'è un'interes vitel per l'essre stes, Namasa sensebile mala bleza in generel le pruieted tl'ambite d'una ricerca estetica, c'la posa evidenziè t'la luce d'la  percezion psicoanaletica é cuncet pur, l'idea, d'la nuzion acquistida dal'esperienza d'lio emperiche. Pitura carbuncin e inciostra ad china i met in c'èr  t'la su grandeza creativa, l'esigenza  d'la ricerca ad  st'artesta. I quedre a carbuncin i  rapresenta   é d'arvers dl'amdaia ad Bonnie-Kent. L'artesta us mov dala nuzion dla  ugetivazion, per purtè la figura d'la dona come ùget t'la forma astrata isulendla  da la su esenza fesica. Da st'è distach é ven fora  un'aparenza, un'ilusion ligheda intimament mala percezion d'lio criativ, tì cunfrunt d'la nuzion cla acquisì, anduch'iè è suget cun' hà fat eperienza. A definin i quedre ad Bonnie-Kent (studie ad cretica estetica), anduch'us ved la sensibilità e la raziunalità  c'li partecipa tut dò d'la stesa amsura.

1983

T'la vastità d'la pitura cuntempuranea i merita da es ciàp in cunsiderazion valide artesta per l'aport artistiche culturel che la sucietà muderna l'hà bsogn per migliurè è  su gred ad cultura; i su raport umen e suciel. Un ad st'artesta le  Bonnie- Kent, present ta divers diziunariee enciclopedie dl'erta   muderna  cuntemporanea, meritevulment ugl'hìà fata ad imponse ma l'atenziòn d'la cretica e dè' publiche per è sù (modus) pitorich, vers la ricerca d'un su linguag creativ. Autodidata è pitura da è 1969  s'una passion custenta é s'nà vuluntà  pusitiva, clai'hà dè rason e c'la port è su nom, traversv rasegne d'erta ta  namasa ad Capitelie dl'Europa e ti Sted Unid. m'una posizion ad primesme pien. Gina c'le un'artesta duted d'una granda sensibilita  creativa e d'un spichìd sens d'oservazion. Li su opre li tistimonia un'interes  sempre viv, partecipe, vitel  ti cunfront d'la vita perché per st'artesta l'erta l'è la vita. S'tà vitalità clas' proieta dala vita fina tl'erta, las'arflet tè' Nost, guardand, analizand, fantasticand, l'ù t'è gir d'li  figurie; tl'amplificazion di sentiment e d'li emuzion  el su (intus) le tot un cosme cus'illumina che va ch'archand e scuvand di pensier, di cuncet, alghed  mùn impuls primitiv emozionel, ch'arcand te' centre interior dla fantasia, la sutila reda ad prufondie sensazion. Namasa  senseble mala bleza, in generel, l'è  pruietèd t'lambite d'una ricerca estetica, c'la posa met in c'èr t'la luce d'la perczion psicoanaletica é cuncet pur (l'idea) d'la cugnizion c'la acquest  dal'esperienza  dl'essre  emperiche. Pitura, carbuncin  e  china i  ciares ad tut la su grandeza criativa l'esigenza d'la ricerca ad st'è' giovne artesta. La pitura (nud e naturie  mortie) li met in evidenza l'impronta d'una dimension intimestica, intisuda tl'armoniche arpeg di tòn chèld, morbide, t'è studie intuid ad luce discretie, c'li zampela d'la vena  dl'emuzion viva, frut d'un  dulcesme trasport leriche, quel che più l'interesa, ta st'ì quedre, le la capacità percetiva e costrutiva, cìla tend m'una ricerca atenta d'jelement figurativ, che i realeza un'espresion ad forma, c'la posa prumove t'la sustenza l'ambsura c'ùs posa cumprend dl'at creativ d'un eficient (optimum) dla figura, che stimuland ma chi c'ùi guerda la percezion psechica da pudè cumprend la rivelazion de' valor estetiche, che crea c'la  cundizion ideèla per un'esperienza cretica valuteria. I disegn a carbuncin,i rapresenta la verità più prufonda dl'artesta, in mod da stabilì un paralel tra (é visud e é fantastiche): tra la realtà e l'ilusion, de' rest t'la filusofia dl'erta sugetivisme e ilusionisme i va ad peri pas.T'la serie d'li ilusion (donie in prufil, abrac, incontre) li formie e i sentiment  ugetived, intuid te spazie d'una ilusion, come qualchicò d'oltra  immagine avend  specefiche caraterestiche estetiche; un qualchicò, che'l daga sudisfazion d'è sperite, smuvend t'è suget é sentiment estetiche dè ritme d'la grezia; piaser ugetived, percepid com d'li  qualità  esenzielie  dl'uget, intuid t'una percezion cuntemplativa.

1985

Per sensibilizè l'upinion publica vers l'espresion d'e Mestre Bonnie-Kent degn da es cnusud e aprized per la su atività c'la fat  t'jhan pased e che, ancora sa più granda pasion, e va svolgend  tut og, ho de tut e mì entusiastiche cunsens  e a sò unùrèd ad segnalè sa st'è mi scret. Cert chì famus in'hà bsogn ad tent presentazion, mo i più jincontra d'li dificultà per fes cnos e anche atruvè una su dimension sgond é valor persunel. Ho vlù propria segnalè st'artesta c'ha cnos la su completa dedizion ma la nobile erta,andùch'è spica per merite nun cumun, è fin d'ansgnil sel deda, come esempie vivesme ,le per è valor autentiche, punt ad riferiment e pietramiliera tl'intrichid mond cl'aparten in pin e sacrusent diret.

1985

Rafinid cultor d'la forma (é nud é rapresenta un dì punt cardininel d'la sù pitura) è sa sfruti sl'astuzia li su dotie pitoriche per fes veda d'li figurie d'una forta  putenza estetica-lerica. A l'avin vist, a l'avin amiri e armiri come un ricercador cùn sì stufa mai t'la ricerca dl'espresion artestica t'li su (ilusion), creazion astratie suspesie tra e é fantastiche e razionel, and'ò l'io emperiche le per mod ad dì un insen ad squisidie sensazion. D'op ad st'è periode artruven un Bonnie-Kent più mature, ch'ùs rend cont d'la propria esperienza c'la acquest per pudès fè veda una pruposta d'avera interesenta dl'astratisme. Pitura astrata s'un significhed e quela anduch'ie s'nò l'astratisme pur, t'à st'a distinzion l'intenzion l'esprim é cuncet inteletuel dl'astratisme come pruiezion dè' studie, dl'analisi dè' cuncet, d'la  forma, dl'erta e d'la ricerca estetica-cretica. Tà st'è spazie us muove s'la padrunenza de stile e sl'autenticità dl' espresion, sempre t'la ricerca de linguag plastiche formie ancore alghedie m'un significhed leterel, dventie impuls dl'atività inteletuela adlà dè cuncet del  limite sensorie, e la forma ad pura cuncezion astrata. Sia tl'una che ta cl'elta forma, us'arvela artesta inteligent e fantasios. E' mod lineer dl'intleiadura ad base, intuid sl'uriginalità e sl'eleghenza; c'le l'armunia struturela d'la cumpusizion,d'la cumbinazion di culur primerie e l'impieg di su cumplement dovre sl'abilità e se bòn gust, c'le  jelement rivelatur ad st'à pitura. Gl'jolie e li chinie jubides m'una ricerca d'la forma; interesent lé al naturie mortie s'la china c'le di ver studie d'la stilizazion astrata, anduch'us ved l'eleghenza e l'armunia clis'artova t'na musica segreta, entima.Ti quedre a olie; fat s'la lucidità analetica, e s'la capacità d'la custruzion, lù' l'eselta é valor dè cuncet d'la forma ch'arcand te retme dè culor e t'la sintesidi segn d'una deguazion ad forma e cuntenud.

1985

L'olie é carbuncin e l'inciostra ad china le al tecniche che l'artesta è predileg e che padrunegia sn'à spichida uriginalità t'la creazion artestica. E' sens de' disegn l'è più perfet e la sù  perfezion stilestica la va dre mal curentie più novie dl'espresion muderna, artrascreta, però,s'un gust e sa d'jintent persunel e entime. Puliedricità e pluralità dè' riel li ven ise per ès scumpostie t'una interpretazion d'na forza psechica c'la porta a svilèn l'interior più nascost, T'li telie ast'artesta agn'è spazie  per jategiament a la moda o manierestiche, mo tut l'è afidid m'una visualizazion d'la materia c'la ven pruposta sa di segn fort e lineèr tè' simbulisme. La percezion crumatica la nè s'nò e del tut adegueda mala discursività de' significhed d'ogn quedre  mo l'interven autonomament te pruces  creativ ufrend  un spesor  ad cuncreteza espusitiva atravers l'impast e la scelta dl'efet otiche. Ad st'è sens, ogni tela l'arsent pusitivament  dl'atmosfera d'la ricerca sperimentela ducl'è impigned l'artesta: i se un ven fora un'erta sempre in tension e in muviment sa se stesa e s'la rialtà c'lala circonda, vera testimunienza dl'ensia estetica d'la creatività cuntempuranea

1985

Jè sempre t'la vita d'un  artesta (e guai se i sè an fusa), una cuntenua evoluzion, una cuntenua maturazion, in mod che è discurs pitoriche us'evolv in sintunia sl'atualità d'la vita, sa di mudel cumpurtamentel sempre nov dl'hom  determined dal'incalze d'javeniment chi caratereza la nosta esistenza. E i sè le st'è per Bonnie-Kent quant tè' 1969 la cmenz a esprimse s'la matita, si pnel l'è nurmel cùl'ava fat sfrutànd è linguag più perceteble emench  com imediateza e  ciareza per tut, a intandin  é figurativ. E pò é temp l'ha mudifichè namasa ad robie tut intorna s'un pricis cambiament te'l su entime i sè l'ha pien pien, acquest sa tenta sicureza e sa tenta sincerità un nov mod d'espresion. An'sàntin cert da cundanè e gnenca da scurdè la vecia produzion, che enzi a cunsideren valida ancora og,cert però che t'è cunfront ù sì scrùv l'ensia criativa dl'artesta, ù sì scrùv li su tension, li su sudisfazion, i su turment interior, tent che te scumbusulament d'li tensionm  sentimentelie us'arsent propria ta st'à nova impustazion di segn anduch'ui dedica ogni su atenzion e che certament  an'è t'la su giumetricità priva ad stemule emuziunel. Già te clima figurativ l'èra in gred ad criè un'atmosfera cunvincenta c'la pudeva cumunichè anche ta  c'la dinamica d'un crumatisme mantnud sa di ton scur chi trasend la tresta fin dl'ilustrazion che per se stesa l'impregna ogni tela ad brevide d'la propria persunalità. E già ta chi quedre us'intravidiva un rifles nascost d'una diversa e ben pricisa (us'intend i quedre a olie) che po lè mnu men a menc schiarendse e afermendse fina ad arvì m'una su cumpleta realizazion. La dimension nova ad st'è pitor Rumagnol las'inquedra t'un mod quasi cuncetuel ad veda l'esenza d'li robie t'un cuncetualisme, can vo dì tutavia astrazion dai sentiment, d'la propria sensibilità, clan vo dì ermetisme esaspered, mo c'la cuncreteza invece,ta ogni su quedre, un mond  frenetiche ad  pasion, d'intuizion ad sogn e d'emuzion. Le cert, però,che é suget é va ricerched, capid, squert ,individued, ta c'li cumpusizion  giumetriche, s'nò alora l'astrat è dventa rialtà per è gudiment complet ad c'la cumunicatività c'us desedera sempre artruvè t'è mesag che un' artesta é vò mo  sopratut c'la da de. Giometricità a gimie mo sa di segn morbide sempre indirizid a purtè significhed e cuntenud mal'impuls creativ, chi porta a valurize é suget t'la su spazialità anduch'è viv come t'un  èrch uneriche duch li pare ilusorie li furmazion materielie. Mo sè t'è' segn  usarscontra jelement pusitiv, a nè admench tè culor  cl'hè sempre ben invented e anche ben cuurdined se fil de linguag e se fil de racont. Un vigor crumatiche che cumunque t'la su espusizion cumplesiva un cundus ma entusiazme esaspered, mantnenze invece sa di module retmiche ad vera freschèza. propunendze in perfet equilibrie estetiche. Donca quela ad  Bonnie-Kent  l'è un'espresion artestica c'la si svilupa sora un pentgrama ad dolcia e penetrenta musicalità.

1986

Bonnie-Kent le un pitor atent e stilisticament ben pripared. Ogni su quedre l'è una  forma ad cuminicazion, un  mesag d'espresion e ad  cuerenza ben disignida. Guardand i quedre c'la present tà st'à espusizion d'Hong Kong us pò dì che l'artesta l'aceta la vita e tut li robie c'li fa perta d'la nosta esperienza qùtidiena; mo che un li aceta quant la vita la é cundiziuneda da percors  predetermined. La su pusizion an'è ribelion o pulemica, mo lè propria un rifiut é rifiuta li formie artestiche curentie, è disegn e la pitura tradiziunela  é preferes  es da  pàr lò e da purtè aventi è sù discurs pitoriche te stes mod che cunsidera se stès: un cuncin ad frament, ad cl'umanità clal circonda. Atravers st'ì quedre us po capì che l'agitazion ad tut i de la po in qualche mod es trasvesta dala bleza, anche se st'à  bleza l'han supravivrà mè dmen quant  l'avrà da es arfata. Tè' fratemp però las dà la forza da supurtè la suferenza d'la vita ad tut i dè: ad st'è mod l'artesta l'elabora s'un sach d'atenzion, s'la semplicità e s'la pureza d'è cuntenud è su discurs artestiche  persunel, che dimostra un  temperament ben marched. La meteria d'è' disegn cl'hai permet d'arvì ma cl'eleghenza mudereda che cumunica diretament s'è spetadòr, travers la forza dl' espresion. I quedre ad Bonnie-Kent, che avin analize, ta sta intresenta esposizion jocupa un ben merited post

2003

Formie sintetiche, articuledie t'un insen d'uriginel, li scapa fora tl'ordid giumetriche che st'artesta l'elabora ti su quedre, armistend  raziunalità e simbulugia, vision fisica e percezion perfeta tun' interpretazion d'la rialtà adlà d'la dimension del fenomene. Pitura ad cuntenud cl'amplifica la cuncetualizazion t'una animazion dialetica-grafica, c'la rend li figurie espresivie sopratut sa d'li vibrazion del tisud culurestiche.

2004

L'artesta Bonnie-Kent, le una figura uriginela e atuela d'un astratisme che a pudin difini metafesiche, te sens ad v'le fug da é rigor rièl  d'la fisicità mo nà per quest trascend in trasfigurazion uneriche,o peg ancora in metapsichisme ad maniera, mò sicom è sug d'la su esistenza d'hom e d'artesta, l'è quel ad cunsidere la forma t'è' su "fès" t'è' su cuncretizès quantitativ e che spes le cundiziuned mo na da é mod, mo da è su culuches t'è spazie-tempurel. La su forma l'è èvoluzion dinamica t'' spazie, mo na spazie nun definid t'è' su topiche-mumentanee, mo com esenza spirituela cla's met dinamicament at tut è qualitativ puseble,mo cl'han pò ès definida come  esigenza del rièl,mo che é rièl a su volta é dventa come l'armunia dè chès. E la forma l'as lasa definì, surrealisme dinamiche creativ,  tl'intrichid labirint pruspetiche spaziel,at tut la propria bleza e espresività, tent che ogni element ad sè,ogni su manifestazion, a nè élt che un'armoniche dv'antè e che l'artesta è coj com un'insen e su' mument ad manifistes, t'è mument che Leja la cambia, las' èvolv tunenta forma dl'espresion c'la cùnten drenta ad se l'atualità cunseguenziela com'anche la più entima rason d'la dinamica trasfurmativa. In cuncret gnint lè ferme, tut lè dinamica atuazion, in mod che la rason,t'è mument c'la coj un'aspet, us'arsent l'agitazion d'una propria intuida limitazion, perché tut la rialtà, anche se la per ferma, intimament lè la rason d'un dinamisme armoniche evolutiv. Le la dinuncia dl'hom-artesta, at tut li cunvenzion, at tut li formie abitudinerie d'è' pensier e dl'atività criativa cl'emita la più prufonda cumprension, d'è'  tut e d'è  raport armunios  tra l'io, particela difinida e l'universel. In poch parol artèn ogni aspet d'la rialtà,t'la propria uriginalità sugetiva, com una cunseguenza d'un insen ad robie dal formie determinedie, mo che tè fratemp l'è leja stesa pèrta d'unenta più cumplesa uruginalità, c'le quela che tè mument che las ved lè già unenta roba.Le un pruces quel dl'artesta,che tè mument che met in discussion la sicureza d'la rialtà, cuntestuela é sping la rason a avris ma di spazie pruspetiche più grand, i se da coj, t'un più cumples dinamisme  pruspetiche-furmel, cl'unica rason  cl'é è mutor e è fin d'un dinamisme  armoniche-evolutiv, ch'ané elt che mani festazion d'è sperite asulud

2008

A'n’hè artista ch’i cuntenua a èsle, mo quel ch’è smet e cl’arcmenza.  E l’ha drenta la forza ad f’el……….. ch’èl lasa un segn  ‘tl’a vita sua e tl’i opre’ d’una inteligenza giumetrica cl’al’avicina anche sa di grand ricurs astoriche mèl’ Novcènt ad Veronesi e ad Dadice…....Rumagnol pur prufond uservador d’la irrealtà. L’ha avù è curag civil d’arciapè li telie e i pnel e arvì d’arnov s’la Dea Arte. E quest è basta……....Sgond chi scriv i chè. È più ecletiche, ecentriche,  stravaghent, uperdor di nost d’e. T’el  2006  “ l’arnas”,( eménch i sè è per), l’arciapa li non sudidie chertie, inzalìdije, li telie vecie mai fnidie è cerca d’artrovè  è centre ad gravità permanent espressive, alternend è figurativ sl’astrat e s’è’ surreèl. È Bonnie ul sa che ès originel, ecletiche, ecentriche og e’vò dì esprim un pes specifiche culturel eleved.

2009

T'i quedre ad Paul Bonnie-Kent,  luce segn e culor, i's'incontra  a'travers un giogh ad cumpusizion cl'i da vita ma dl'i figurije vivje, d'una energia inesaureble, che li  arsucia è spetador t'un vortich sa dl'i tintije pasiunelie e apasiunedije. E quant'e' puzzle us'arcumpòn, li figurije rapresentedije li' scapa fora tl'a sù bleza cumpleta.